هل ضيعتها؟

بسآلك اختي/أخي هاالسؤال واتمنى تجاوبوا بكل صراحه

هل انت راضي عن صلاتك ...؟؟؟؟؟

ولا اقول خلاص لاتجاوبوا وانا ماراح اجاوب لانه اكيد ثقيل الجواب ومخجل والله انه مخجل واؤكد على ذالك

حنا في زمن القابض على دينه كالقابض على جمره في زمن فرطنا وضيعنا وجنينا على انفسنا

نركض ورى الدنيا وشهواتها ونسينا انه ورانا آخره وحساب وعقاب الله المستعان [/COLOR]

في زمن ضيعنا الصلاه ....واذا قمنا لها قمنا كسالى ...!!
فقال الله تعالى: (فخَلَفَ مِنْ بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْن غَيّا )

والبعض والعياذ بالله مايصلي الا علشان يسكتون عنه الناس وهاذي حقيقه ..!!

وقد اخبرنا الله عن هؤلاء واسمهم المنافقين
المنافقون فإنهم يتكاسلون عنها، ذكر الله ذلك عنهم فقال تعالى:
( إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ وَإِذَا قَامُوا إِلَى الصَّلَاةِ قَامُوا كُسَالَى يُرَاءُونَ النَّاسَ وَلَا يَذْكُرُونَ اللَّهَ إِلَّا قَلِيلًا )

اخوتي اقسم بالله اني اشفق على من ضيع الصلاه او تساهل فيها ..

البعض صلاته خفيفه سريعه كنقر االغراب ...!!
صلاته مثل كذا دقايق وهو منتهي... هذا اذا مهوب ثواني!!

طيب بقول معلومه خطيره قسم يومني عرفتها حسيت ان الدنيا اظلمت بكبرها في عيني

مثلا تصلي الظهر اربع ركعات تدري ان بعد تقييم صلاتك من الله يمكن ماتطلع الا بركعه صحيحه من هااالاربع ركعات
هذا أبو هريرة رضي الله عنه يقول

إن الرجل ليصلي ستين سنة ولا تقبل منه صلاة,

فقيل له: كيف ذلك؟

فقال: لا يتم ركوعها ولا سجودها ولا قيامها ولا خشوعها

ويقول عمر بن الخطاب رضي الله عنه

إن الرجل ليشيب في الاسلام ولم يكمل لله ركعة واحدة

قيل: كيف يا أمير المؤمنين قال: لا يتم ركوعها ولاسجودها

واثناء الصلاه حدث ولاحرج

اثناء الصلاه تجهز لعرس فلان وتفكر في الفستان والاكسسوار وكيف تسوي شعرها وعلى ماتخلص صلاتها جهزت نفسها من الى

اثناء الصلاه تتهاوش مع فلانه ويتراضون ويصيرون اصدقاء

اثناء الصلاه تراجع نفسها وش شرت وش ماشرت من روحتها للسوق اليوم وكم صرفت

أثناء الصلاة يقضي مشاويره,ويرتب اشغاله ومخططاته

اثناء الصلاه تحاتي عيالها وزوجها وينهم تغديهم وتعشيهم

ايه كل هذا يحصل اثناء الصلاه تجيبها

كل الاحداث الي حصلت في اليوم كله يتذكره المرء في صلاته وولا كأنه صلّى للآسف
مايدري وش قرآ وكم صلّى..! وهل قرأ التشهد ولا لا.. هل سجد مره او مرتين..؟
وياللا يجبرها بسجود سهو,مادرى ان حتى سجود السهو له احكامه

وطبعا ضاع الخشوع والتدبر ...... والبركه في هاالدنيا وشهواتها .. طبعا هي اولى باالتفكير ونضيع صلاتنا علشانها والعياذ بالله .!

اين نحن من الصحابي الجليل الذي وقف الطير عليه اثناء سجوده من شدة خشوعه في صلاته ..!!

اليس هذا بكافيي لكي نخجل من انفسنا ..!!

اهــ يارب ياكريم اسآلك بعفوك ان تبلغنا منازلهم برحمتك يااااارب
يقول الإمام الغزالي رحمه الله:
إن الرجل ليسجد السجدة يظن أنه تقرب بهاإلى الله سبحانه وتعالى,

ووالله لو وزع ذنب هذه السجدة على أهل بلدته لهلكوا،
سئل كيف ذلك؟؟؟ فقال: يسجد برأسه بين يدي مولاه,

وهو منشغل باللهو والمعاصي والشهوات وحب الدنيا

فأي سجدة هذه؟؟؟؟؟؟؟؟
اكيد البعض بيقول غصب عنا نفكر ...!
نحاول مانفكر بس مانقدر يجينا التفكير غصب ونسهى في الصلاه ونسرح لبعيد ..!!
اقول هنا تتجلى اسمى معاني الجهاد واعظمه ..جهاد النفس والتغلب عليها ..!!
حاول وقاوم نفسك ... واكيييييد مع المحاوله راح تنجح وتسيطر على الوضع

البعض يصلي الفريضه فقط ويقوم كانه احد يطارده بدون سنن ولا تسبيح ولاتهليل ولا دعاء
يصلي صلاه جرداء...!

احيانا اصلي في اماكن عامه....... البعض صلاته والله مدري كيف بيواجه بها ربه... في نفسي اقول لو ماصلّى ابرك له

لاخشوع ولاسنه .... يعني باالعربي صلاه أي كلام ..!!

والبعض والله اني اخجل من صلاته لما فيها من تدبر وخشوع ...وادعيله ان الله يثبته ..

البعض متساهل جدا جدا في الصلاه ..ويآخرها عن وفتها

البعض مايقوم يصلي الا وهو كسلان ومتثااااااااقل
ولو امر غير الصلاه.... تلقينه مثل الريشه من النشاط

البعض اذا جاء عندها عزيمه تآخر الصلاه الين تخلص شغلها الصلاه لاحقه عليها اما الشغل لا
المهم تطلع سفرتي وابيض الوجه ..والكل يمدخني بكره ويمدح شغلي .. والصلاه يابنت الحلال شوي نصلي لاحقين

البعض اذا عندها مناسبه او زواج وحطت المكياج وانتقظ وضوئها معقوله اخرب مكياجي واتوضأ من جديد

لا لا بجمع صلاتي اصليها بعد ماارجع
والبعض عاد متى ترجع يمكن قبل الفجر بشوي يادوب تلحق تصلي العشاء ..!

والبعض تنام واذا صحت صلت... يافلانه فاتتك الصلاه.. طيب نايمه راحت علي نومه وش اسوي

طيب لو موعد مهم سويتي حالة استنفار في البيت
تحذرينهم وتنبهينهم يصحونك .. غير انك موقته الجوال والخراشه علشان تصحيك لازم هذا موعد مهم او شغل مهم

اما الصلاه عادي لاحقين عليها صح .!

الصلاه لها وقت موقوت : ( إن الصلاة كانت على المؤمنين كتاباً موقوتا)

وفيه نقطه مهمه :
طبعا تآخير صلاة العشاء جائز .... ولكن شرط بعدم خروج وقتها نصليها قبل انتصاف الليل
ولكن من هذا الباب صار البعض يآخر صلاة العشاء الى ان يخرج وقتها ...

وهذا غير جائز وقد حدد العلماء بخروج وقتها بساعه معينه هذا والله اعلم

وكان الرسول يفضل صلاتها في منتصف الليل.. وذات ليلة تأخر النبي صلى الله عليه وسلم بصلاة العشاء إلى قريب من منتصف الليل
فخرج عمر فقال : الصلاة يا رسول الله رقد النساء والصبيان . فخرج ورأسه يقطر يقول :
لولا أن أشق على أمتي ، أو على الناس لأمرتهم بالسواك مع كل صلاة .
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 887
خلاصة حكم المحدث: [صحيح]
نجي لآخر نقطه وهي الوضوء والطهاره في الصلاه :

الا تحبين اختي ان تكوني من الغر المحجلين...؟؟ اي ذوي البياض الشديد في الوجه من الوضوء

قال رسول الله صلى الله عليه وسلم: من توضأ فأحسن الوضوء خرجت خطاياه من جسده . حتى تخرج من تحت أظفاره
الراوي: عثمان بن عفان المحدث: مسلم - المصدر: صحيح مسلم - الصفحة أو الرقم: 245
خلاصة حكم المحدث: صحيح
ولانغفل عن تخليل اصابع اليدين والرجلين اثناء الوضوء ...يجب إيصال الماء بين أصابع اليدين والرجلين

اعتذر عن الاطالة اخواني واخواتي
بس والله هاالموضوع يعني لي كثير واتمنى الكل يستفيد من موضوعي

واتمنى اتمنى اتمنى كل شخص يراجع نفسه بخصوص صلاته ..!
ونصيحه من اعماق قلبي اذا هو مو راضي عن صلاته يلحق عمره قبل فوات الاوان ..!!!
[color="plum"][color="red"]

مشكوووووووووور اخي على معلوماتك القيمة
ننتظر جديدك

شكرا موضوع في القمة
جزاك الله خيرا
ننتظر المزيد